Usits genuins, dialects sonors, stils da viver urbans – las atgnadads culturalas e linguisticas rendan la Svizra in pajais singular. Questa gronda diversitad daventa visibla en la vasta purschida da SRF, RTS, RSI e RTR. Quai è ina spetga impurtanta envers la SRG SSR, han ditg 75% da las persunas dumandadas.
Ultra da quai vul la SRG SSR era porscher adina puspè ina plattafurma als umans che vivan ina vita ordaifer il center da l’attenziun.
Il parasport è ina part impurtanta dal panorama da sport svizzer multifar. Ils rapports da sport inclusivs promovan in sentiment da cuminanza e d'appartegnientscha.
SRF 3 na lascha betg mo ir musica, mabain fa era vegnir a la glisch talents zuppads. La promoziun da giuv:nas musicist:as sviz:ras sco Lhanzom Lhasam è dapli ch'ina incumbensa: ella contribuescha er a l'identitad culturala da la Svizra.
Las Rumantschas ed ils Rumantschs: per che lur lingua vivia e survivia, s'inventan ellas ed els adina puspè da nov. RTR gioga ina rolla impurtanta en quest svilup. Uschia instruescha Livio Chistell, il moderatur da RTR e «tiktoker» rumantsch. E la linguista da RTR creescha novs pleds per la lingua periclitada – per exempel per il term tudestg «Klimakleber».
La musica è in'ambassadura excellenta per reflectar la cultura e purtar ella vers anora. Radiotelevisiun Svizra Rumantscha (RTR) prenda serius quest'incumbensa: cun promover sistematicamain musicistas e musicists rumantschs.
Il format digital «rec.» tematisescha tabus. Per exempel la malsogna endometriosa, situaziuns inacceptablas en la psichiatria u terapias da conversiun dispitaivlas per omosexuals. Ultra da quai dattan las reportras ed ils reporters er invistas en lur viadi fitg persunal.
L'emissiun da SRF «Mona mittendrin» metta en il center ambients da viver apparentamain quotidians e mussa destins singulars da la societad svizra.
La chasa da medias RTR da la SRG SSR ha sviluppà dus programs che faciliteschan la translaziun en rumantsch.
En la collecziun da films curts «Futura!» inscuntrain nus diesch umans giuvens da la Svizra. Els han passiuns dal tuttafatg diversas e creeschan lur atgnas cuminanzas. Uss è «Futura!» da vesair sin Play Suisse.
Grazia a la cooperaziun da la SRG SSR cun autras chasas da medias europeicas pon ins guardar gratuitamain films e serias da l'Europa era sin la plattafurma da streaming Play Suisse da la SRG SSR. Uschia ha il public en Svizra la pussaivladad da suandar istorgias da tut il mund – senza barrieras linguisticas.
Il plaschair è grond: suenter l'Engalterra il 2022 vegn il campiunadi europeic da ballape da dunnas il 2025 en Svizra.
Co po la SRG SSR represchentar e promover la diversitad da la Svizra? Ils resultats centrals da noss dialog cun la populaziun.
L’auta qualitad da las novitads e l’independenza da la SRG SSR èn centralas per la democrazia. Da quest avis èn 66 pertschient da las persunas interrogadas. Quai èn puncts essenzials da l’incumbensa da la SRG SSR.
Cun projects sco ils hackdays u l’avertura da nossas bancas da datas faschain nus avanzar l’innovaziun digitala en Svizra e cun noss programs da radio e noss partenaris promovain nus la branscha da film e musica svizra.
