La SRG SSR vegn tar vus: La tura «lain discurrer!» cuntinuescha cumenza l’atun 2026 cun in’ulteriura runda.
En differentas regiuns discuteschan fatschas enconuschentas da la SRG SSR e schurnalistas e schurnalists da SRF, RTS, RSI e RTR en tut las linguas naziunalas cun vus davart las medias, la digitalisaziun e l’avegnir da la SRG SSR.
Il project Public Value vul crear ina plivalur per la populaziun. La SRG SSR porscha servetschs impurtants per la societad e vul optimar quels cuntinuadamain.
Perquai tgirain nus il barat cun la populaziun e vulain enconuscher ils basegns da noss public. Voss inputs gidan la SRG SSR da rinforzar sia valur per la societad.
Sin questa pagina rendain nus palpabel il Public Value.
La valur da la SRG SSR per la societad: a maun da dumbers, datas e fatgs
Tge presta la SRG SSR per la coesiun da la Svizra? Co rinforza ella la democrazia? Per cumbatter fake news e «fatgs alternativs» gidan dumbers fidabels. Qua preschentain nus ina survista da quels.
La SRG SSR transmetta mintg'onn 9000 uras sport en directa e porscha ina plattafurma ad almain 100 disciplinas da sport, en l'entir pajais ed en quatter linguas. Per Ruth Metzler, presidenta da Swiss Olympic, è ella perquai in element decisiv dal sport svizzer.
En la Svizra romanda surdat ina giuria da fans da cudeschs mintg'onn il «Prix du public RTS». Tgi ch'è nominà profitescha d'ina immensa visibilitad per sia lavur. Il premi na sustegna dentant betg mo las scripturas ed ils scripturs. El è impurtant per l'entir manaschi da litteratura en la Svizra franzosa.
L'emissiun «OKI» da RTS vegn producida da giuvnas reportras e giuvens reporters e tracta temas che occupan ils uffants. Il project duai augmentar la cumpetenza mediala da las scolaras e dals scolars tranter diesch e dudesch onns. Ultra da quai è ella ina resursa impurtanta per las persunas d'instrucziun: RTS metta a disposiziun material d'instrucziun per mintga emissiun.
Envida in profi da medias en tia classa: La SRG SSR lantscha ina nova purschida che intermediescha als uffants ed als giuvenils a moda fitg directa e pratica co ch'ins fa novitads, nua ch'ins chatta funtaunas fidadas e co ch'ins scuvra cun success dischinfurmaziuns e fake news.
Il schurnalissem investigativ è impurtant per nossa democrazia: Quai mussan ils resuns d'ina retschertga da swissinfo.ch davart imports d'aur dubius che fatschentan era la politica.
L’auta qualitad da las novitads e l’independenza da la SRG SSR èn centralas per la democrazia. Da quest avis èn 66 pertschient da las persunas interrogadas. Quai èn puncts essenzials da l’incumbensa da la SRG SSR.
Usits genuins, dialects sonors, stils da viver urbans – las atgnadads culturalas e linguisticas rendan la Svizra in pajais singular. Questa gronda diversitad daventa visibla en la vasta purschida da SRF, RTS, RSI e RTR.
Cun projects sco ils hackdays u l’avertura da nossas bancas da datas faschain nus avanzar l’innovaziun digitala en Svizra e cun noss programs da radio e noss partenaris promovain nus la branscha da film e musica svizra.
