Uschia rinforzain nus la coesiun

La SRG SSR porscha ina tribuna naziunala ad usits regiunals sco la stgargiada d’alp, la lutga u il tschaiver. Quai collia noss pajais sur tut ils cunfins linguistics e creescha in’identitad cuminaivla. Per 82% da las persunas interrogadas è quai in’incumbensa centrala da la SRG SSR.

Serias svizras sco «Metta da fein» u «Tschugger» cuntanschan tut las regiuns linguisticas sur la plattafurma da streaming Play Suisse da la SRG SSR. Cun questas ed ulteriuras mesiras rinforzain nus la coesiun en Svizra.

Info

Resultats

Co che la SRG SSR duai promover la coesiun

Co rinforza la SRG SSR la solidaritad en Svizra e nua po ella far dapli? Ils resultats centrals da noss dialog cun la populaziun.

Colliaziuns

Reportaschas

Guardar en stiva la tschentada sin la glina – l'istorgia da la SRG SSR

L'impurtanza da la SRG SSR per la societad daventa visibla en las istorgias da vita dals umans ch'èn creschids si cun ella. Ina da quellas è l'istorgia dad Irma Murri, mia tatta. E quella da la SRG SSR.

Integraziun

Story

«Quai na pon ins betg emprender en il curs da tudestg! »

Las medias èn ina part da l'identitad naziunala. Musica, umor, novitads – bler da quai che caracterisescha in pajais pon ins vesair ed udir sur moniturs ed autpledaders. Ma co è quai per persunas che vegnan a star da nov en Svizra? Nus avain dumandà quatter umans da l'Africa dal Sid, da l'Irlanda, da la Columbia e dal Portugal tge rolla che la SRG SSR gioghia en lur diever da las medias.

Integration

Integraziun

Story

Participeschan persunas senza udida gia bainprest a discussiuns en l'Arena?

«Ensemen cun la SRG SSR essan nus motivads da meglierar cuntinuadamain l'access per persunas senza udida», di Julien Kurt da Swiss TXT. L'uniun affiliada da la SRG SSR è vi da far tests cun avatars per la lingua da segns . Per la Federaziun svizra dals surds è quai in gudogn: cun questa tecnica pudessan umans cun impediments d'udida sa participar a moda pli simpla a la vita sociala.

Archivs

Story

Co ch'ils archivs audiovisuals creeschan identitad e promovan la coesiun democratica

Ils documents audiovisuals han ina funcziun impurtanta per la democrazia e l'identitad d'in pajais. Per collectar e curatar ils documents dovri blera savida ed anc dapli temp. Ma tge capita per propi en in archiv audiovisual? E pertge na pon ins betg guardar mintga film istoric sin YouTube?

Integraziun

Story

Il servetsch supplementar che collia ils umans cun la vita

Crimis cun suttitels – quai signifitga per umans senza udida d'esser ina part da la societad. Perquai sajan las stentas da la SRG SSR en questa direcziun fitg impurtantas, di la Federaziun svizra dals surds.