Newsletter

La SRG SSR porscha ina tribuna naziunala ad usits regiunals sco la stgargiada d’alp, la lutga u il tschaiver. Quai collia noss pajais sur tut ils cunfins linguistics e creescha in’identitad cuminaivla. Per 82% da las persunas interrogadas è quai in’incumbensa centrala da la SRG SSR.

L’auta qualitad da las novitads e l’independenza da la SRG SSR èn centralas per la democrazia. Da quest avis èn 66 pertschient da las persunas interrogadas. Quai èn puncts essenzials da l’incumbensa da la SRG SSR.

Usits genuins, dialects sonors, stils da viver urbans – las atgnadads culturalas e linguisticas rendan la Svizra in pajais singular. Questa gronda diversitad daventa visibla en la vasta purschida da SRF, RTS, RSI e RTR.

Cun projects sco ils hackdays u l’avertura da nossas bancas da datas faschain nus avanzar l’innovaziun digitala en Svizra e cun noss programs da radio e noss partenaris promovain nus la branscha da film e musica svizra.