La SSR en furma concisa
Public Value è in sectur da la SRG SSR – ma tge è atgnamain propi la SRG SSR?
La SSR è in’uniun averta per in e scadin. Questa uniun gestiunescha la chasa da medias publica ed independenta SSR che producescha e derasa purschidas audiovisualas en quatter regiuns linguisticas.
L’uniun purtadra e l’interpresa furman ensemen la SRG SSR.
La chasa da medias independenta SSR è in’interpresa da dretg privat organisada a moda federalistica cun var 6900 collavuraturas e collavuraturs. Ella cumpiglia ina direcziun generala e las tschintg unitads d’interpresa Radiotelevisione svizzera (RSI), Radiotelevisiun Svizra Rumantscha (RTR), Radio Télévision Suisse (RTS), Schweizer Radio und Fernsehen (SRF) e swissinfo.ch (SWI).
Cun var 6900 collavuraturas e collavuraturs, 17 programs da radio, 7 programs da televisiun e cuntegns online è la SRG SSR la pli gronda chasa da medias da la Svizra.
L’uniun purtadra ha quatter societads regiunalas: SRG.D, SRG SSR.SR, Corsi e SRG.R. Las societads regiunalas francheschan la SRG SSR en la societad cun lantschar ed intimar la debatta davart il service public audiovisual. A medem temp infurmeschan ellas la SRG SSR davart las spetgas dal public ed influenzeschan l’orientaziun e la qualitad da las purschidas da l’interpresa da medias.
La SSR è in’uniun averta per in e scadin .
Las commembras ed ils commembers da l’uniun gidan a concepir l’avegnir da las medias en Svizra e rinforzan cun lur engaschi la SRG SSR.
Vulais Vus er As engaschar ensemen cun nus?
