Il team
Il sectur da Public Value sa preschenta.
Fotografia: Thomas Kern
«Public Value faschain nus per Vus»
Larissa M. Bieler, commembra da la direcziun generala da la SRG SSR, delegada naziunala da Public Value
Larissa M. Bieler è creschida si a Panaduz (GR). Il 2007 ha ella terminà ses studi da linguistica, da management ed economia e da politologia a l’Universitad da Turitg. Silsuenter ha ella lavurà a l’Universitad da Turitg ed al Center naziunal da perscrutaziun scientifica (CNRS) a Paris. Durant e suenter il studi è ella s’engaschada blers onns sco schurnalista libra.
L’onn 2013 è Larissa M. Bieler daventada schefredactura dal «Bündner Tagblatt». Il schaner 2016 ha ella midà a la SRG SSR ed è daventada schefredactura da SWI swissinfo.ch. Il 2018 è ella lura vegnida elegida sco directura da SWI swissinfo.ch e fa part dapi il 2022 da la direcziun generala da la SRG SSR.
Fotografia: Mischa Haller
«Public Value – quai n'è betg uschè cumplitgà sco quai ch'i tuna»
Henriette Engbersen, manadra dal sectur da Public Value
Henriette Engbersen è creschida si a Romanshorn (TG). Suenter ses studi da bachelor da schurnalissem e communicaziun a la Scola auta turitgaisa per scienzas applitgadas (ZHAW) ha ella lavurà il 2006 sco videoschurnalista tar «Tele Ostschweiz» a Son Gagl.
Dus onns pli tard ha ella cumenzà a lavurar sco correspundenta da la Svizra Orientala per SRF ed ha midà il 2013 a la Tagesschau. L’onn 2016 ha ella terminà in studi da master da communicaziun visuala a la Scola auta turitgaisa dals arts (ZHDK). Dal 2017 fin il 2022 è ella stada correspundenta a l’exteriur per SRF a Londra e dapi il favrer 2023 maina ella il sectur da Public Value.
Fotografia: Marius Born
«Public Value – quai è curaschi ed avertadad.»
Francesca Guicciardi, communicaziun e mobilisaziun
Francesca Guicciardi è creschida si a Dornach (SO). L’onn 2018 ha ella terminà ses studi da bachelor en sociologia a l’Universitad da Lucerna ed è silsuenter ida a star a Berna, nua ch’ella ha cumenzà il medem onn in praticum universitar en il post da medias da la SRG SSR. In onn pli tard ha ella entschet ses studi da master da sociologia a l’Universitad da Berna ed ha il medem mument lavurà tranter auter sco pledadra da medias e sco spezialista per medias socialas/communicaziun tar la SRG SSR.
Cun in master terminà sa deditgescha ella ussa cumplainamain a la mobilisaziun interna ed externa en il sectur da Public Value e po uschia cumbinar sia passiun per la sociologia cun quella per la communicaziun.
Fotografia: Thomas Kern
«Promover la valur publica vul dir cooperar»
Emilie Demaurex, dialog cun la societad
Emilie Demaurex è creschida si a Genevra ed ha studegià là relaziuns internaziunalas. Il 2014 ha ella terminà ses studis cun in master da politica e da gestiun publica da l’Institut de Hautes Etudes en Administration Publique.
Suenter avair lavurà en il Secretariat da stadi per furmaziun, retschertga ed innovaziun a Berna è ella s’engaschada en la cooperaziun internaziunala ed ha manà projects en il sectur da la furmaziun professiunala, surtut en l’Africa ed en il Balcan. L’onn 2021 è ella stada confundatura e manadra dal project politic innovativ Expédition Futur.
Dapi la fin dal 2022 lavura ella tar la SRG SSR en la squadra da Public Value. Là è ella manadra da project e responsabla per il dialog cun la societad.
Il Public Value Board è responsabel sin plaun strategic per la direcziun dal project da Public Value: el priorisescha, accumpogna e controllescha la realisaziun da mesiras, sa basond sin las decisiuns dal comité directiv da la SRG SSR.
