Co che la SRG SSR duai promover la coesiun
Co rinforza la SRG SSR la solidaritad en Svizra e nua po ella far dapli? Ils resultats centrals da noss dialog cun la populaziun.
Ils resultats sa basan sin in’enquista represchentativa, in’enquista online, intervistas qualitativas e lavuratoris. En total avain nus ans barattà il 2019/2020 cun passa 8900 persunas areguard la contribuziun da la SRG SSR a la solidaritad en Svizra.
Rinforzar la solidaritad sur ils cunfins da regiuns e generaziuns
Da quel emprim barat è resultà in cler votum da rapportar pli stedi d’occurrenzas naziunalas, da mantegnair e metter a disposiziun ils archivs sco era d’integrar pli fitg il public giuven. En il rom dal tema da focus «La giuventetgna e la SRG SSR» avain nus realisà il 2022 otg lavuratoris en tut las parts dal pajais, nua che scolar:as han declerà a nus tge che signifitga per el:las solidaritad.
Ils resultats 2019/2020
La purschida da la SRG SSR è impurtanta per la solidaritad e l’integraziun
Passa la mesadad da las persunas intervistadas è da l’opiniun ch’ina purschida da medias dal dretg public saja centrala per la solidaritad e l’integraziun en Svizra. Co valiteschan las persunas intervistadas la SRG SSR en quel reguard? Nua datti basegn d’agir?
Las suandantas prestaziuns da la SRG SSR valitescha la gronda part da las persunas intervistadas sco fitg impurtantas fin indispensablas en connex cun la solidaritad e l’integraziun:
- rapportar d’occurrenzas d’impurtanza naziunala (indispensabel)
- integrar il public giuven (indispensabel)
- mantegnair e metter a disposiziun a la publicitad ils archivs e l’ierta culturala (fitg impurtant)
Qua datti potenzial da meglieraziun
Sin fundament da l’enquista represchentativa d’en total 1179 persunas avain nus pudì analisar il 2019 en tge secturs da prestaziun da la SRG SSR che la populaziun vesa il pli grond potenzial da meglieraziun.
Per ademplir meglier las aspectativas en il sectur da la solidaritad sto la SRG SSR sa meglierar tenor l’opiniun da las persunas intervistadas en las suandantas domenas:
- integrar il public giuven (42%)
- mantegnair e metter a disposiziun a la publicitad ils archivs e l’ierta culturala (27%)
- rapportar d’occurrenzas grondas d’impurtanza naziunala (27%)
Integrar pli fitg il public giuven
42 pertschient da las persunas intervistadas spetgan da la SRG SSR ch’ella integreschia meglier persunas giuvnas en ses program. En il rom d’intervistas qualitativas ed en lavuratoris han ins precisà questa pretensiun: la purschida per persunas giuvnas duai vegnir amplifitgada ed ellas duain vegnir integradas pli fitg en la SRG SSR – tant en l’interpresa sco era sin ils moniturs.
«Beispielsweise die Diskussion über den Klimastreik von der Seite der Jungen fände ich interessant. […]»
Populaziun, Svizra tudestga (rapport 2019)«[…] Die Jungen müssten stärker am Gestaltungsprozess beteiligt sein.»
Stakeholders, Svizra franzosa (rapport 2019)«Die SRG hat keine Chance gegen Youtube.»
Populaziun, Svizra tudestga (rapport 2019)
Mantegnair e metter a disposiziun ils archivs
27 pertschient da las persunas che han participà a l’enquista giavischan da pudair acceder meglier als archivs. Concretamain spetgan ellas ch’ils archivs sajan accessibels a moda pli facila e che lur effectiv vegnia engrondì.
«Hier könnte die SRG sehr punkten. Sie kann zeigen, dass sie nicht nur ihr Programm fördert mit den Gebührengeldern, sondern damit auch einen ständigen Zugriff auf die Materialien gewährt.»
Uniun purtadra, Svizra tudestga (rapport 2019)«Die SRG hat die Aufgabe, die relevanten Entwicklungen der Gesellschaft zu archivieren. […]»
Stakeholders, naziunal (rapport 2019)«Les archives sont intéressantes pour comparer les idées et leur évolution. Mais les recherches sont difficiles […].»
Populaziun, Svizra franzosa(rapport 2019)
Rapportar d’occurrenzas d’impurtanza naziunala
27 pertschient da las persunas che han participà avess gugent che la SRG SSR rapporteschia en ses program a moda pli vasta d’occurrenzas grondas d’impurtanza naziunala – per exempel en il sport, la politica e la cultura. Ils lavuratoris e las intervistas qualitativas han mussà il medem mument che la prestaziun correspundenta da la SRG SSR vegn gia considerada sco fitg buna.
Las pli grondas sfidas (2019)
Las enconuschientschas dal barat 2019 han servì a nus per definir nossa posiziun ed han mussà prestaziuns ch’ins considerescha sco particularmain impurtantas u che ston vegnir meglieradas. Quai ha pussibilità a la SRG SSR da definir sfidas per mintgin dals quatter secturs ch’ins ha approfundà il 2020 en il rom dal dialog da l’uniun purtadra cun la populaziun.
Il sectur solidaritad ha la suandanta sfida centrala:
- la SRG SSR e sia purschida per persunas giuvnas
Las pli impurtantas aspectativas (2020)
L’onn 2020 ha l’uniun purtadra da la SRG SSR approfundà il barat e nus avain pudì definir per mintga sfida las aspectativas prioritaras.
Envers il sectur solidaritad èn las pli impurtantas aspectativas:
- pledentar glieud giuvna directamain sin plattafurmas relevantas en las medias socialas (60–65% da las persunas intervistadas)
- renviar pli savens a la purschida da la SRG SSR per persunas giuvnas (60–65% da las persunas intervistadas)
I sa tracta da las aspectativas prioritaras en tut las parts dal pajais.
Per reagir concretamain sin la sfida «la SRG SSR e sia purschida per persunas giuvnas» è noss tema da focus stà il 2022/2023 «La giuventetgna e la SRG SSR». Tranter auter avain nus realisà en tut las parts dal pajais lavuratoris cun scolar:as da las scolas professiunalas spezialisadas. Plinavant avain nus fatg intervistas qualitativas ed in’enquista online davart quel tema. Ils resultats detagliads suondan prest.
