SRF (RTS/RSI) tranter ils top 20 che porschan ina plivalur per la societad

La Rega, la Spitex e la Pro Senectute occupan ils emprims plazs en la rangaziun da las interpresas ed organisaziuns che prestan servetschs a favur dal bainstar public. S’engaschar per la societad è in trend, declera Timo Meynhardt da la HSG che edescha l’Atlas dal bainstar public.   

Quant preziusas èn las prestaziuns da Greenpeace e da las Viafiers federalas svizras, ma era da la SRG SSR e da bleras ulteriuras interpresas ed organisaziuns per la societad? E tgi survegn en relaziun las meglras valitaziuns? Questas dumondas examinescha l’Universitad da Son Gagl ensemen cun la Handelshochschule Leipzig sut la direcziun da professer Timo Meynhardt. Il resultat: ina rangaziun da las organisaziuns evaluadas.  

 Per quest intent han ins dumandà il 2019 var 14’500 persunas co ch’ellas valiteschan las prestaziuns en las categorias «adempliment da las incumbensas», «coesiun», «qualitad da viver» e «morala». Quai pussibilitescha da far ina rangaziun cun las organisaziuns ed interpresas examinadas:

Dapli impurtanza perquai che las valurs èn sa midadas 

L’interess da la publicitad ad ina tala analisa dal bainstar public è creschì cuntinuadamain ils ultims onns. In’explicaziun pussaivla: crisas sco la midada dal clima che pertutgan tuttas e tuts mainan ad ina midada da las valurs. Dapi circa l’onn 2010 sa sviluppa la societad davent da l’individualissem en direcziun d’ina collectivitad pli ferma. Valurs cuminaivlas èn puspè pli impurtantas, explitga il manader dal studi Timo Meynhardt.   

La societad sco tala e pli pauc la singula persuna e ses basegns stettia puspè en il center. Era las organisaziuns hajan badà ch’i dettia in pli grond basegn da sa participar a las decisiuns e da debattar davart la contribuziun sociala da quellas, di Meynhardt. Cun s’occupar pli intensivamain cun ils resultats da la valitaziun dal bainstar public possian las interpresas reagir meglier sin ils basegns da la societad. «L’impurtanza da la percepziun publica per instituziuns e firmas crescha. Era sch’insatgi na posseda naginas aczias da l’interpresa respectiva, ha quella persuna ina vusch, cun la quala ella po far a savair sia opiniun davart l’interpresa. Uschia maina il svilup davent dal Shareholder Value vers in Public Value pli ferm.»  

 Quai senta Meynhardt en sia lavur da perscrutaziun quotidiana. Entant ch’el stueva avant in pèr onns anc declerar regularmain l’expressiun «bainstar public» e defender la necessitad da perscrutar quel, contacteschan las organisaziuns oz proactivamain el e ses team. Ellas vulan far part da l’atlas.  

Die Rangliste als Ansporn

Auch die SRG steht auf der der Rangliste und besetzte bei der letzten Erhebung im Jahr 2019 Platz 16 von 110. Sie rangiert damit zwar vor der Post und vor Coop, jedoch auch hinter Migros oder Heilsarmee.

Meynhardt declera il resultat da la SRG SSR tranter auter cun la votaziun dal pievel davart «No Billag» il 2018 ch’è anc stada preschenta il mument da l’enquista. «Sco en la Germania pon ins sentir era tar nus effects da polarisaziun, in squitsch ed ina disfidanza generala envers las medias publicas.»  

 Qua emprova il sectur da Public Value da la SRG SSR da dar cuntrapais: las responsablas ed ils responsabels tschertgan il dialog cun la populaziun, reageschan sin aspectativas e s’engaschan per rinforzar la percepziun sociala da la SRG SSR en ils champs democrazia, diversitad, coesiun e valurisaziun economica. Per exempel cun in partenadi en il rom dal program d’emprender «myidea» per las scolas professiunalas spezialisadas. Quel ha la finamira da rinforzar las cumpetenzas dals giuvenils en vista ad in patratgar ed agir critic, per exempel en connex cun scuvrir fake news – ina basa impurtanta per las interpresas, ma surtut era per la democrazia. Legiai dapli en ils dus artitgels sin questa pagina-web:  

«Cotschen, oransch u verd: in’ampla per fake news» 

«‹L’economia e la SRG SSR èn en la medema bartga›»

Francesca Guicciardi, avrigl 2023