Testescha tia savida – fa fin cun la dischinfurmaziun
Nus legiain ed udin dapertut da fake news – ma scuvrissas ti ellas? Fa ils dus tests sin questa pagina e daventa in profi da novitads.
En l’emprim test stos ti chattar or il code. Quai ta reussescha, sche ti scuvras novitads cun intenziuns negativas. Daventa expert:a da fake news!
Chatta la sortida
Gieu da mitschar - fa fin cun la dischinfurmaziun!
Gieu da mitschar - fa fin cun la dischinfurmaziun!
La SRG SSR è dapi l’avust 2024 partenaria dal Tren scola e scuverta da las VFF cun il vagun «cumpetenza mediala». Cun quella purschida gidain nus la populaziun (giuvna) da metter en dumonda criticamain infurmaziuns e da sa far in’atgna opiniun. Quai èn las basas d’ina democrazia funcziunanta. La SRG SSR contribuescha cun quest project a la furmaziun e savida e s’engascha per ina societad ch’è preparada meglier cunter la dischinfurmaziun.
La stanza da scola sin rodas da las VFF cuntanscha mintg’onn 15’000 giuvenils tranter 11-16 onns ed è en viadi 25 emnas en 12-15 lieus en tut la Svizra.
Quant bain sas ti medias?
L'autotest
L'autotest
La dischinfurmaziun è ina da las pli grondas sfidas dal temp dad oz. La SRG SSR ha per quel motiv lantschà la pagina-web newstest.ch ensemen cun l’associaziun Politools, l’Institut da medias da l’Associaziun svizra dals editurs MEDIAS SVIZRAS e la fundaziun Mercator Schweiz. L’autotest digital duai rinforzar la cumpetenza mediala e gidar d’ir enturn meglier cun dischinfurmaziuns.
La pagina lantschada l’atun 2023 è vegnida visitada gia 33’000 giadas. Il test datti dapi la stad 2024 uss era, dasper tudestg, per franzos e talian.
