Netichetta
Hallo chara utilisadra e char utilisader da la valur publica da la SRG SSR!
Nus avain plaschair che Vus plazzais Voss commentaris sin nossas plattafurmas. En connex cun quels commentaris ans stattan questas chaussas a cor:
Restai tar il tema, mantegnai l’amiaivladad: nus dain gronda paisa ad in stil neutral ed ad in tun constructiv senza expressiuns offendentas. Nus tolerain e respectain autras opiniuns. Discutai a moda objectiva, senza far tiradas, pretensiuns u attatgas persunalas envers autras commentadras u auters commentaders. Duvrai il tun che Vus giavischais en il discurs da fatscha a fatscha.
La redacziun examinescha Voss commentaris: en cas excepziunals po la controlla durar intginas uras. Sche nus refusain Voss commentari, As infurmain nus per e-mail. Nus na pudain però manar nagina correspundenza detagliada davart commentaris publitgads u renviads. La notg na mettain nus online nagins commentaris.
Voss inputs èn impurtants per nus: Vus faschais propostas per temas u contribuis Vossa expertisa spezialisada, renviais nus a sbagls u remartgais, sche nus avain emblidà in aspect en noss rapports. Nus avain la finamira d’ans barattar cun Vus. Nus lain dar a Vus, charas utilisadras e chars utilisaders, ina vusch sin nossas plattafurmas ed As integrar davent da l’entschatta en nossa lavur schurnalistica.
I na dat nagin dretg da publicaziun: sche nus constatain ch’insatgi cuntrafa repetidamain a la netichetta, èsi pussaivel che nus bloccain temporarmain in conto.
Nus na mettain betg tut en discussiun: nus ans concentrain sin contribuziuns tschernidas. Questas discussiuns moderain nus pli fitg per promover ina cultura da debattar constructiva sin las atgnas plattafurmas digitalas.
Noss community management vegn sviluppà vinavant cuntinuadamain: nus ans stentain d’in cuntin da crear las circumstanzas che permettan da manar sin nossas plattafurmas debattas orientadas ad ina chaussa ed ad ina finamira, debattas che han in tun constructiv. Per quest motiv rimnain nus permanentamain Vossas propostas per optimaziuns, manain discussiuns ed examinain differents models.
Resguardai per plaschair las suandantas normas per Voss commentaris:
- Vus avais As annunzià cun prenum e num e na duvrais nagins nums da fantasia.
- Vus na derasais naginas infurmaziuns falladas.
- Ils cuntegns ston avair in connex cun il tema.
- Nus stizzain commentaris offendents, surtut sch’els discrimineschan autras persunas sin fundament da la religiun, da la naziunalitad, da caracteristicas fisionomicas, da la derivanza etnica, da caracteristicas culturalas (lingua, num), da l’orientaziun sexuala, da la tenuta politica, da la vegliadetgna, da restricziuns, da la derivanza sociala u da la schlattaina.
- Commentaris che cuntegnan reclama commerziala ubain politica na publitgain nus betg.
- Cuntegns illegals allontanain nus.
- Commentaris èn da formular en tudestg, en ina lingua naziunala svizra u en englais.
- Nus na publitgain nagins commentaris da spam u contribuziuns che vegnan fatgas pliras giadas.
- Nus na pudain betg controllar tut ils cuntegns colliads. Perquai resalvain nus il dretg da betg publitgar commentaris che cuntegnan colliaziuns.
Infurmaziuns giuridicas:
- Tut las utilisadras e tut ils utilisaders surpiglian sezzas/sezs la responsabladad per lur contribuziuns.
- Cun cundivider Voss cuntegns sin noss chanals essas Vus d’accord che Voss messadis èn accessibels publicamain e pon vegnir citads cun num.
