Do it yourself cun cuntegns e datas da la SRG SSR

Da datas meteorologicas fin a texts en tut ils tschintg idioms – in stgazi per nerds da datas.

As interessais Vus per veglias registraziuns da film u per resultats istorics d’elecziuns e da votaziuns e per lur svilup fin oz? As mancan per tscherts cuntegns da la SRG SSR ils suttitels? U vulais Vus render pli visib:las musicist:as local:as u naziunal:as? Uschenumnads APIs (in’abreviaziun per interfatschas da programmar) pussibiliteschan d’acceder svelt ad ina selecziun da pachets da datas actualisads cuntinuadamain da tut la SRG SSR.

Igl è simpel d’utilisar datas via API

Per pudair utilisar las datas a moda effectiva èn enconuschientschas da programmar centralas. Per che betg mo codad:ras chapeschian per tge che APIs pon vegnir duvrads, ha la SRG SSR installà in nov portal da sviluppad:ras che preschenta las singulas purschidas da datas era per laic:as. La purschida vegn nizzegiada stediamain, actualmain avain nus otg milliuns dumondas al mais.

Image

Per la linguistica stattan a disposiziun per exempel unitads da datas da text ed audio en tut ils tschintg idioms. Era la purschida senza barrieras per persunas cun impediments dals senns vul ins amplifitgar cuntinuadamain.

Grazia als APIs simplifitgescha la SRG SSR ina da sias miras centralas: avrir ils archivs. En collavuraziun cun Memoriav, l’Associaziun per la conservaziun dals bains culturals audiovisuals da la Svizra, èn disponiblas cun mo in clic milliuns uras emessas a partir dals onns 1930 fin oz sco era nundumbraivlas fotografias – e la collecziun crescha cuntinuadamain. Maletgs istorics, contribuziuns da radio ed emissiuns da televisiun chattais Vus sin memobase.ch.

Las unitads da datas las pli attractivas chattais Vus qua:

SRF Weather (entira Svizra)
STXT Accessibility (accessibladad senza barrieras)
Music Platform (mx3.ch)
Electronic Program Guide (temps d’emissiun e da program actualisads cuntinuadamain)
Archiv
Video
Audio
RTR Linguistic (text ed audio en tut ils idioms)
Polis (tut ils resultats actuals ed istorics dad elecziuns e da votaziuns)

 

Henriette Engbersen, avrigl 2023

«Lutgar n'è betg mo in sport, mabain er ina part da la cultura svizra»

L'Associaziun federala da lutga svizra ha festivà il settember ad Appenzell ses giubileum da 125 onns cun 20'000 aspectatur:as. Quellas persunas n'han betg mo celebrà il sport, mabain era las tradiziuns svizras. Lutgar è ina disciplina populara – betg il davos era grazia a la SRG SSR che ha rapportà la stagiun 2024 durant passa 66 uras en directa dal sport.

Da la SRG SSR profita l'entira economia svizra

La SRG SSR è in'actura impurtanta en il martgà svizzer ed influenzescha positivamain l'economia. Ella è patruna e creescha plazzas da lavur er en autras branschas. Quests effects positivs per la creaziun da valur cumprova in studi fatg per incumbensa da l'Uffizi federal da communicaziun UFCOM.  

SRF (RTS/RSI) tranter ils top 20 che porschan ina plivalur per la societad

La Rega, la Spitex e la Pro Senectute occupan ils emprims plazs en la rangaziun da las interpresas ed organisaziuns che prestan servetschs a favur dal bainstar public. S'engaschar per la societad è in trend, declera Timo Meynhardt da la HSG che edescha l'Atlas dal bainstar public.